Malika El Idrissi

****************

شكون انا
سولت راسي... شكون انا
شاف فيا شوفت الغريب...
وضحك...
غمض عينيه...
نزلات دموعو شلال...
سولت راسي... شكون انا
واش انا ضحكة...ولا دموع...
ولا زمان... من زمنات الغذر...
لي شكى ل ليام...
عطاتو بالضهر...
خلاتو غارق
ف الحسرة والندامة...
سولت راسي... شكون انا
قلب عينيه... ف راسو...
غيب... و نساني قدامو...
فاق ...شاف فيا...و كْْْال
آش بغيتي عندي...
قلبتي حياتي...
نزلتي دموعي...
رجعتيني... ل همومي...
لي نساتني ف راسي...
فياقتي...اوجاع...
كمدتها... زمان...
ف دواخلي...
آش هاد الحال ...
كولتي لي شربت
من ماها...تهرسات...
زماني مخربق...بلا لوان..
سولت راسي... شكون انا
كال لي... كون عرفتك شكون
كون عرفت راسي... شكون انا.

شاعرة بوابة الاطلس
لالة مليكة الادريسي