Amina Izeddaghen

******

لقصيدة خليلة

لقصيدة يا سيدي سعيد
حرف موروث من زمان بعيد
لقصيدة فن ملجم لسان العز
حرفها عربي
موزون لقوافي
لقصيدة امرا مجذوبة...
طاهرة، ما تحافي...
و انيا مجذوبة بسوالفي...
نتحير مع لقصيدة
لقصيدة كتاب مفتوح...
كل من قراه يتكوا بالحرف
لقصيدة مجمع الزين بالاحباب...
وتلف الي ميتلف...
لقصيدة الشديدة شوار وشان...
وجذبة صعيبة...
و ملي نجذب...
و نتوجع نولد لقصيدة
كنهبال و نلبس قفطان المعنى
و نتحزم بعز لكلام و نعطر سواكني...
يطلعوا كلام لقصيدة
الله على حزام لقصيدة...
صموا قوافي وتجريدة...
مغزولة زربية دافية...
بلوان وشامها عريضة...
و صوفها حب و غرام
دافي بتغريدة الزمام
و عقيق حزامها كلام
راسي يكبر لمقام
و حب لقصيدة تنهيدة لقلام
سطورها مكتوبة بالتمام
الي بحالي مجذوب يقول التسليم...
وا حس يا المجذوب لجنوني وسواكني...
ملي نبدا لقصيدة
و قصيدتي انا بنت الحب
وبلا بها ما كنت نتعلم نحب
و حبي للقصيدة حب كبير
وافهم يا سيدي سعيد...!
معنى لقصيدة
حكاية غريبة...
حكاها الشاعر للناقد...
و قالوا حبها مصيبة...

بقلم امينة سعيد ازداغن
في يومه 04/02/2018 بالدار البيضاء
القصيدة قيد الطبع