Chouaib Larfag Moutiâ

******

حلمة

كضاني الشوم
و غزاني النوم
بانت لي علامة
تمثلت لي ف حلمة
خير و سلام

غراب جحموم
و نعيق البوم
يا ربي السلامة
طفات شوفي ظلمة
و ديجور مظلام

حلمت داتي مصلوبة ...واجدة للتشريح
جناوي مضات
والدم يسيح

باش يفيد الطير المدبوح ... داك التجنويح
جنحانو كضات
يترنح يصيح

عزيز القوم
دليل اليوم
ما قايلاه ملامة
يتمنى تجيه البسمة
و يحلا لو كلام

ضعيف القوم
عياه العوم
ف بحر مواجو ملطامة
ملخص حياتو ف كلمة
... غريق ... و السلام .

شعيب مطيع لرفاك