فوزية اسلاميات

******

مشاعر الناس ولاَّت تْباع
ف مزاد الحروف وْلِيهَا أتباع
كنتي صديقي ولا خويا
أحاسيسك على راسي وعيني
مانعرفكش والله واخا يشكروك لي
حنت مشاعر الناس ولات تباع
ف مزاد الحروف وليها أتباع
ماشافوش مخاض حروفك العسير
وانت تبحث عل الإيقاع
لأنو في زمن الحروف
ولا القط مالو مكان مع السّباع
الود ودِّي نغير الكْرام بالصَّاع
ونادي ف المزاد بلا إجماع
أن استزراع الحرف ف زمن الإبداع
ليه قسوتو وكيرقِّي الأوضاع
البارح قالوا عشرين درهم
تكفي الفقير وتغني الجياع
تشافي المريض من الصداع
وتخليه هايم في السما بلا شْراع
بشمَّة وحدة تتزول الأوجاع
في زمن الاقتراع والانصياع
مشاعر الناس ولات سلعة تباع
في سوق نخاسة الحرف وليها أتباع
نزل الساحة وشوف الصراع
شوف السيف بلا غمد ف يد الجعجاع
مرفوع يذبح في الأجذاع
ما تكلم ما تنطق هذي تجربة
في الأعناق غايتها الاستمتاع
عَفّْر خدك في الرمل مع الشياع
وشم ريحة الخيانة مع اللكاع
طوف بقبرك وختم قصيدتك
ما ترتل ما تسجع في هذ الوقت الخداع
حبس نفسك وخلي حرفك يدوس على الجباه
طلع فوق الجبل وشوف الوُّضاع
ف قبلة أخيرة عسى تغير الأوضاع

فوزية اسلاميات