Hamid Ngadi

*******

شرقت الشمس فوق ريوس مطبوخه
تايها ،عيونها غايرة،حتى الشوفه
محكوره
رجال فالقهاوي رجل على رجل
محطوطه
العين تشوف الخاطر مكسور عيشة
مجحومه
عيالات على الدراع عرات فالموقف واقفة
مصدومه
ضرني حالي بين صحابي الحالة ديما
مكلومه
شهادات واجازات بلا إنجازات ضاعت
محرومه
الله يداوي الحال منتخبينا تولي رجال
مسؤوله
تخدم بالنية والمعقول تزيان بلادنا وتتحسن
الوضعيه
حميد النكادي 20/02/2018