فوزية اسلاميات

*******

** فرحة ماتمات .......

اسعدي فرحي ولدي كبر ولا راجل
يونس وحدتي يعمر داري
وعلى عرضو يقاتل
ف الشدة سبع يجلجل فحل
كلامو ينظمو قوافي ومايبخل
لعيني ولدي مرود وكحل
مربي ولد دارهم ديما يعدل
لكن ........بلاتي اش وقع
ولدي غير وبدل ولأخلاق جدودو
باع وخلا التاريخ يسجل
صبح بينو وبين الدنيا قصة طويلة
يحضن مخدتها ويسطر حروفها
يعزف النغمة ...ويمشي ف العتمة
حزين جالس يخمم بلا فعال
عينو تبكي بلا دمع واقف تمثال
نسا كلامو ..فهم سكاتو
انثر همو وجمع شتاتو
شكون يسمع صوتو
شكون يدخل يكتب احساسو
ولدي ضاع بين الرجلين
ماعرف يقرا ولا يخدم ولا يولي راجل
ف زمان القهرة والأنثى والخنثى
ف زمان الشواذ والسواد وعودة لواط الأجيال
بقلم فوزية بوقريان