فوزية اسلاميات

******

***آه من الشقيقة آه.......
آشقيقة طلقي مني
وديري معايا مزيان
مانفع معاك لاحجامة
لانوفالجين لا دوليبران
قهرتيني ف الشتا والصيف
ومن قهرتك ربيت ليك الشان
استوطنتي راسي وجبيني
من قرصتك تنكر لي وخان
عيني تسكن ترفض الضو
ويدفنها الجفن الوسنان
الحريق يسري ويتلذذ يمين وشمال
والكلام يصبح عدوي الرنان
آشقيقة ديري معايا مزيان
علميني ملي تزوريني
نلطف ليك الجو ونسد البيبان
من حرّْك ولفتك وايلا غبرتي
نسول عليك الشميسة والزعتر والكيسان
الحصول ؤماكان
زيانيتي ف هذ الزمان
ملي وليتي صداع نصفي
وتلقاك الاطبا بالاحضان
من بعد ما تعرضتي للاوردة والشريان
وصبح ليك وقت ؤزمان ؤمكان
هنيئا لك آشقيقة الشهرة
هنيئا لك ونعم البلان
بقلم فوزية بوقريان
23/2/2018