بقلم الشاعر توفيق ارويشة

تقلب يالبحر

علي بامواجك على الصخر

طل شي طلة على البر

كلشي فيه تغير

لقلوب قصاحت حجر

ليلهم ما ليه فجر

شوف واش نسكت واللا نهضر

قلال الخير كثر المنكر

الخضرة يبست طاحو اوراق الشجر

اللي تعرى ما تستر

الاحترام غبر

الشاب قدام اهلو يتخدر

هادي اسهل من اللي طعنهم بالخنجر

الغراب عاند النسر

العافية شاعلة وموجدين الفاخر

البيضة سوادت وما بقات حلاوة في الثمر

الناس زادت القدام وحنا تلفنا الاثر
.
                       توفيق رويشة