المرأة ديال الزمان.
ديرها فكتافك والله
ماتعيش ندمان
بي الصفا والنية
والطيبة وحلاوة اللسان
عطاها ربي الصحة فلبدان
تشرفك قدام الجماعة
وحتى قدام لعيان
طيابها بنين يدوقو
كل اللسان
زينها فلفعال وكلامها
تقيل فلميزان
بالحشمة لباسها وتاها
وشعرها طويل وﻻ قصير
ماتشوفو  لعيان
مستور تحت السبنية
وريحتو فايحة حناني اوقطران
هاديك هيا المرأة ديال الزمان
ها لمسمن هالحرشة
تعيشك كيف السلطان
كلامها سمن وعسل
يزيدك قوة  فلبدان
على دراعها ديما مشمرة
وتعاونك  حتى على الزمان
اليوم بحالها فين تلاقاها
وتعيش الفرحة معاها
ياريت يرجع الزمان
كيف ماكان لكن خصارة
وﻻ ماضي فكان ياماكان
كولشي مشا مع لجدود
حتى الدليل ولبرهان
مابقا يرجع وﻻ تشوفو لعيان
مع بنات اليوم صعاب فهاد الزمان
طار لحيا اومابقالو عنوان
شكون يوفي بالعشرة
او العهد صان
بحال المرأة ديال الزمان
                 ...............خالد حدادي...............