محمود ابو لؤي

******

قصيدة...
♥♥..........( من يومْ يومِكْ....ياسوريا )
ًـــــــــــــــــــــــــ.......
.
من بعد سوريا.. ماْ ضلّ بلادْ

تسرّ القلب ...او تشرح الخاطرْ..

فيًّا الهوا من ريحة الاجدادْ

جوّا خلايا الدمْ........ بيسافرْ

ومهما الهجر بيطول والإبعادْ

حبّا نفس...بيضلّ متْواتِرْ

والروح عَ نار العشق تزدادْ

(لوعة و صبر) عَ الجرح وتْكابِرْ

♥ ♥ ♥

يااااسوريا ياموطن الامجادْ

وحكايةْ التاريخ للزايرْ

بيتسابقو عَ نبعك الأحفادْ

و فيكِ القصيدةْ بتسبق الشاعِرْ

إي و من يوم يومِك مقصد الروّادْ

و منْهل حضارة للدني زاخِرْ

♥ ♥ ♥

مشان هيك تجمّعوا الحسّادْ

و هجموا عليكِ كَ وحش كاسرْ

لكنْ إلهي دوووم بالمرصادْ

لكل طاغي ونذل متْآمِرْ

مهما وراه يكووون بالاعدادْ

لابدْ....ما يخْزيه بالآخِرْ

.
ــــ محمود ابو لؤي ــــ

ْ