بقلم الاستاد هشام ابريطل

حديثنا قياس.....

كلمة على كلمة
 يفيض الكاس
صدمة ورا صدمة
يفيق الراس
مشات يام الحشمة
علاش يا بنت الناس
شجرة قالوا عليها كرمة
كرموسها فسفاس
يا قلوب الرحمة
كلامنا وحديثنا قياس
الثور البلق كلو شحمة
الله يحد الباس
حط رجليك شوف فين الزطمة
لا تكون راكبك الوسواس
عيش حياتك لا تعطي لبنادم القسمة
وبنادم من قصدير ونحاس
لوتاد يشدو الخيمة
والدار الكبيرة حديدها ساس
جا يعاونو ف قبر باه معندو خدمة
ياويلي هرب ليه بالفاس
كلمة على كلمة
يفيض الكاس
هشام بريطل