فاطمة المسعودي

******

يَا غُزِيّلْ
------------------
يَا غُزِيّلْ
بَكْ هَامْ كُلْ وَلْهَانْ
سُبْحَانْ مَنْ خَلْقَكْ 
يَا زِينْ النّضْرَا
--
بَكْ تْغَنّى
كُلْ شَاعِر وْ فَنّانْ
يَا رَمْز الْجَمالْ
يَا رِيمْ الصّحْرَا
--
يَا شَارَدْ لَعْفَا
يَا غُصْن الْبَانْ
يَا هَبّة رِيحْ
بِينْ لَمْرُوجْ الْخَضْرَا
--
مَنّكْ رِيحْ الْمَسْك
تْعَطّرْ لَمْكَانْ
يْشَمْهَا الَعْلِيلْ
بِإذْنِ الله يَبْرَا
--
بَاشْ نْمَدْحَكْ
يَا غْزَيّل الْغِزْلانْ
مَنْ مْدِيحَكْ تْغِيرْ كُلْ امْرَا

وْ بَاشْ نْوَصْفَكْ
يَا كَامَلْ لَوْصَافْ؟
بَ وْصَافَكْ تَفْتَخَرْ كُلْ عَذْرَا
--
زِينَكْ مَا كَسْبُو
انَسْ وَ لا جَانْ
عَنْد زِينَكْ تَكْمَلْ الْهَدْرَا
-------------------------
فاطمة المسعودي / سلا