عبدالله التويس أبوفيروز

******

غير......... داوي
----------------
شحال قد لغبنور
ما يستر الشوفة لعميه
يْلا كانْ الشاهدْ ليل
ؤ حبي متهوم

شحال قد لمستور
ما يواجهْ صمايْمْ الشمس
يْلا كان لحالْ هبيلْ
ولعشق مَضيومْ

شحال قد لْمَجرور
يزكّي من دمْ وجهو
يْلا كان مربوطْ ف اركيزتْ الريح
ولحرف مسموم

شحال قد لْمَسْحور
ما يْعَنّقْ سوالف لخيال
يْلا كان لمنججْ طالعْ بلا روحْ
ولڭلبْ زَکْرومْ

شحال من شحال تقدك
سبول ف ڭاعَه مهْجوره
لڭشوش كانون
سْخونِيَه طافْيه
ولميّتْ مَغروم

شحال من حرف مغدور
تْعلّڭْ خْمَيْسَه ف عنڭ لْمعنى
ادّهْنَه وجع اتّنْهيدَه
اتْكَبّبْ حبْ
واتْلاح مصْرور

البوهالي : 2018.02.20