عطار لغرام
شامة هازة على كرزازة
قلة تسقي من البير الما
مع بنات غنات تبرويلات
من تراث عبيدات الرمى
بضاض راجع من صيدو
شاف زينها شوفة لعمى
وقصد البير يورد عودو
سمعاتو تبرويلة طويلة
فيها حكمة تفاجي الغمة
شفت حبيبي في حلمة
سكن قلبي تفاجى همي
تمنيت ولادو من دمو ودمي
ورد عودو ومن صيدو
هداها الحجلة قال لمي
لعيون وشفار دوزو كلمة
بان لغرام من التبسام
شرب الما وتزاتو همة
مشات أيام وجات أيام
حجبت شامة عليها حكام
شعر شامة طولو فيه كامة
خاذ من الليل لون الظلام
لكسيسة ضواتها لخميسة
جبهة عريضة زينها لوشام
عيون كبار وجه مسرار
خدود تفاح تحت لثام
شامة بنت شان ومرشان
بوها إمام مرفوع لمقام
شامة بلغت سن الصيام
سمعت عطار في الدوار
راكب حمار ينادي لخيام
ها عرق سوس هاحركوس
ها الصابون ها المرجان
ها الجاوي ها حصالبان
ها لمقالي ها لعكر ولمطالي
هالورد هالحنة ها الريحان
طلت شامة زينة التبسيمة
بياض وقلدة مزيناها تحزيمة
قالت يالعطار قرب لباب الدار
قال عندي كحل لهاذوك لشفار
ريحةلعود وعكر لهذوك لخدود
عندي الكبار والسانوج ولبزار
قالت بغيت بخور عندي سحور
حبيبي طال غيابو طار مع طيور
قال العطار انا نجيب لك لخبار
شكون هاذ لحبيب المختار
قالت مول لحجلة ولد ناس كبار
غرامو كواني من ذاك النهار
زول لثامو وقب سلهامو
شامة عرفاتو من تبسامو
مثل عطار وحفظ قوامو
قال العطفة نار وسيف بتار
جيتك خاطب راغب درت السبة
غدا الخطبة فرشي القبة
قالت مرحبا عندي رغبة
قلة تسقي من البير الما
مع بنات غنات تبرويلات
من تراث عبيدات الرمى
بضاض راجع من صيدو
شاف زينها شوفة لعمى
وقصد البير يورد عودو
سمعاتو تبرويلة طويلة
فيها حكمة تفاجي الغمة
شفت حبيبي في حلمة
سكن قلبي تفاجى همي
تمنيت ولادو من دمو ودمي
ورد عودو ومن صيدو
هداها الحجلة قال لمي
لعيون وشفار دوزو كلمة
بان لغرام من التبسام
شرب الما وتزاتو همة
مشات أيام وجات أيام
حجبت شامة عليها حكام
شعر شامة طولو فيه كامة
خاذ من الليل لون الظلام
لكسيسة ضواتها لخميسة
جبهة عريضة زينها لوشام
عيون كبار وجه مسرار
خدود تفاح تحت لثام
شامة بنت شان ومرشان
بوها إمام مرفوع لمقام
شامة بلغت سن الصيام
سمعت عطار في الدوار
راكب حمار ينادي لخيام
ها عرق سوس هاحركوس
ها الصابون ها المرجان
ها الجاوي ها حصالبان
ها لمقالي ها لعكر ولمطالي
هالورد هالحنة ها الريحان
طلت شامة زينة التبسيمة
بياض وقلدة مزيناها تحزيمة
قالت يالعطار قرب لباب الدار
قال عندي كحل لهاذوك لشفار
ريحةلعود وعكر لهذوك لخدود
عندي الكبار والسانوج ولبزار
قالت بغيت بخور عندي سحور
حبيبي طال غيابو طار مع طيور
قال العطار انا نجيب لك لخبار
شكون هاذ لحبيب المختار
قالت مول لحجلة ولد ناس كبار
غرامو كواني من ذاك النهار
زول لثامو وقب سلهامو
شامة عرفاتو من تبسامو
مثل عطار وحفظ قوامو
قال العطفة نار وسيف بتار
جيتك خاطب راغب درت السبة
غدا الخطبة فرشي القبة
قالت مرحبا عندي رغبة
محمد المؤذن مؤسس ورئيس جمعية كازابلانكا للتراث الشعبي
ليست هناك تعليقات:
إرسال تعليق