لْعَشْرَا مَ تْبَاعْ مَ  تَشْرَا

...

گُولُو لِي اَ لَصْحَابْ

عَلْ لَغْرَامْ ؤُ لَهْوَا

اَشْ اِدِيرْ لْگَلبْ

اِلَ قْصَاحْ ؤُ جْفَا

شْحَالْ تَجْرَحْ ؤُ تْعَدَّبْ

مَنْ لَگْرَاحْ مَ اِ يدَوَا

عْيَا يَصْبَرْ ؤُ يَكْدَبْ

وَ لَا بْغَا يَنْسَا

مْرَارْ كْثِيرَا شْرَبْ

شْحَالْ تْمَحَنْ ؤُ شْكَا

حَاوَلْ ؤُ جَرَّبْ

يَجْبَرْ حْنِينْ مَ لْگَا

لْيًومْ عْيَا ؤُ تْعَبْ

تْهَدْ مَسْكِينْ ؤُ هْرَا

مَ بْقَا عْلَاشْ اِقَلَّبْ

مَ بْقَا عَنْدُو مَعْنَا

وَاخَّا قَلَّبْ ؤُ شَقْلَبْ

مَ زَادْ غِيرْ تَكْوَا

حَتَّا زْعَفْ ؤُ غْضَبْ

مَ وْصَلْشْ لِ نْوَا

لْعَشْرَا مَاشِي لَعبْ

حْسَنْ لِيهْ اِ تَطْوَا

مْحَبَّة لْمَعْقُولْ دْهَبْ

مَ تْبَاعْ مَ تَشْرَا

...

شعيب صالح المدكوري

الرباط 18.10.2017