هبولة عيسى

5 h

ايام زمان

انا لي عشت في داك الزمان
انا لي عرفت اش طرا و جرا

التباندا لبستها من جلد الدان
حصدت زرع و شعير و ذرا

انا الامية..!

هكا يقولو في آخر الزمان
مانعرف نكتب مانعرف نقرا

وانا لكتاب حفظت منو تمان
ونظمت لكلام و رسلتو ف برا

انا لولية..!

انا لي غزلت وغزيلي بان
على ضو الشمع ولا شعا لكمرة

شماري مضفور بسبع لوان
وحزامي قدي ما تلبسو مرا

انا لولية..!

انا لي نحوم في جنب الجنان

نجمع العشوب
نيبس لحبوب نطحنو غبرا

نخلطو تخلاط ف درة كتان
لا حطيتو على الجرح يبرا

انا لولية

انا لي عشت في داك الزمان
انا لي عرفت اش طرا و جرا

بقلم هبولة عيسى