ماشي خاطري عشقت الزين
ملكني بطبعو وصوابو
شفتو وحبيتو ف الحين
جوارحي ف هواه دابو
سولتو وجاوبني غير بالعين
ف البلاصة وصلني جوابو
واش دنب قلبي مسكين
قصدو وبدا إدق ف بابو
ودقان القلب مايسمعه ودنين
يحس به بنادم ف جنابو
غزالي ورد فل وياسمين
وهو بالزين ميز ف صحابو
ريحانة وسط الرياحين
نعشق الريحان وترابو
وشلا عشاق عطشانين
وكل عطشان و گرابو
كاين الگراب لحنين
يرحم ويحن ف حبابو
وكاين لدقاتو واعرين
يشنشن ف القلب شهابو
وأنا گرابي بين وبين
سعد قلبي ومكتابو
قالوا الناس الاولين
الحب صعيب ف تقلبو
ؤوصاو ل عاد باديين
كل واحد يدير بحسابو
ياك عنتر داق الأمريين
عبلة ل كانت سبابو
وقيس ضاع على مرتيين
ضاع ف ليلى وف شبابو
وهدا هو حال العاشقين
كلها وهواه فاش جابو
وخا هكدك الحب زين
طعام وملحتو ف عدابو
ملكني بطبعو وصوابو
شفتو وحبيتو ف الحين
جوارحي ف هواه دابو
سولتو وجاوبني غير بالعين
ف البلاصة وصلني جوابو
واش دنب قلبي مسكين
قصدو وبدا إدق ف بابو
ودقان القلب مايسمعه ودنين
يحس به بنادم ف جنابو
غزالي ورد فل وياسمين
وهو بالزين ميز ف صحابو
ريحانة وسط الرياحين
نعشق الريحان وترابو
وشلا عشاق عطشانين
وكل عطشان و گرابو
كاين الگراب لحنين
يرحم ويحن ف حبابو
وكاين لدقاتو واعرين
يشنشن ف القلب شهابو
وأنا گرابي بين وبين
سعد قلبي ومكتابو
قالوا الناس الاولين
الحب صعيب ف تقلبو
ؤوصاو ل عاد باديين
كل واحد يدير بحسابو
ياك عنتر داق الأمريين
عبلة ل كانت سبابو
وقيس ضاع على مرتيين
ضاع ف ليلى وف شبابو
وهدا هو حال العاشقين
كلها وهواه فاش جابو
وخا هكدك الحب زين
طعام وملحتو ف عدابو
عبد الله الهواري 19/10/2017
ليست هناك تعليقات:
إرسال تعليق