Amina Izeddaghen
كية العلام
قال الزجال قاد لكلام بالمعنى
ولو تحذف لقوافي
وحتى الغرام كيترفعو لقلام
ايوا هذامكتاب يا سيد الجلسة والمقام
شحال من عاشق ولهان بقى سهران
ومن قهر لغياب حبيبو حيران
سرجت العود ودرت لتامي وتوشحت بسلهامي ومسحت لبكا بكمامي
خرجت نقلب على الحبيب الي ولى عندي بحال لغريب
علمت البراح ابرح باش يجيوني خبارو قبل الصباح
وانا كنترجا نشوفو حي ويكون قلبي ارتاح
زمان....... تقطعات خبارو على خيمتي ولات يتيمة
هجرها هجران الرحل للصحرا الصبارة لعظيمة
وانا بين بين الفراق وكية الوحدة نعاني
كيف حياة الصيبر وسط الرملة يقاوم
باركا متزيد فيه العلام وكبر عقلك راه اولادك كيتسناوك تقاد ليهم السربة
قال الزجال قاد لكلام بالمعنى
ولو تحذف لقوافي
وحتى الغرام كيترفعو لقلام
ايوا هذامكتاب يا سيد الجلسة والمقام
شحال من عاشق ولهان بقى سهران
ومن قهر لغياب حبيبو حيران
سرجت العود ودرت لتامي وتوشحت بسلهامي ومسحت لبكا بكمامي
خرجت نقلب على الحبيب الي ولى عندي بحال لغريب
علمت البراح ابرح باش يجيوني خبارو قبل الصباح
وانا كنترجا نشوفو حي ويكون قلبي ارتاح
زمان....... تقطعات خبارو على خيمتي ولات يتيمة
هجرها هجران الرحل للصحرا الصبارة لعظيمة
وانا بين بين الفراق وكية الوحدة نعاني
كيف حياة الصيبر وسط الرملة يقاوم
باركا متزيد فيه العلام وكبر عقلك راه اولادك كيتسناوك تقاد ليهم السربة
والحفيظ الله.
امينة سعيد
ليست هناك تعليقات:
إرسال تعليق