Khalid Haddadi

******

بلادي يا أعز البلدان.🇲🇦
بلادي ياقرت لعيان👀
فيك القمح فيك الشعير🌾
شحال من فدان
فيك الهندية شحال🌵
منك ياجنان
بلادي بلاد الخير🌄
فيك السانية مع البير
ولخضرة على لنعات
بنعناع نعمرو شي كيسان🍵
نشربو اتاي مشحر
ويكون ديال الفاخر
يتحلو بيه لمناخر👃
وسمن البلدي مع لعسل الحر 🍯
بيهم انا نفطر في وسط
الربيع محلاهو منظر🌄
هادي هيا بلادي الغالية
وقرت العيان
فيها عراصي اوشلا ويدان🌊
اليوم فيك النوار بان
على اﻷشكال واﻷلوان🌸🌹🌷🍀🌼💐
فيك أحسن لوحة مرسوما
مارسمها فنان🎨

♡♡♡♡خالد حدادي♡♡♡♡