الحياة دروب

******

الموت غدارة
ودنيا مضلمة بلا بيه
تكسر ضهر
و راب الحيط
إلى كنت مسندة عليه
تهدمت الركيزة
مبقى ركاد
والخيمة كحلة رماد
مشات أيام الهيبة والعز
نتفكرو تجري دموعي
ووجعي يكبر
عشت في قلبو
وموراه مقدرتش نعيش
اش دنبي نتحمل نعيش
العداب في فراقو
حدا قبرو اليوم
شحال بكيت
وركابيا طاحو
ودموعي سبقو لساني
وتحنيت هزيت شوية
تراب شوية حجر
ورشيت الزهر
وعنقت دموعي
بقلمي المجاهد حليمة