ظاهرة التسول بالرضع.بعض الأسباب ووصف للظاهرة.
رضيع يتوسل:
"" أنا رضيع.
عمري اسابيع.
معروض للبيع.
ماما ماما
اسمعي!
و عي!
ماما ماما
هاد المرا كتحمل اللفة.
و توضعني في القفة.
وتجري بلهفة.
ماما ماما
هي لا تسمع صياحي.
لا ولا نواحي.
من هاد الجامع.
الى ذاك الشارع.
تبكي وتدمع
وتقول ما عندي ما نرضع
ماما ماما
والناس فيهم الخير كرما .
وهي تاخد منهم بلا حشمة.
راها تكذب
تقول؛ انا بلاحليب!
و هي بلا زوج ولا حبيب!
هي بلا روح بلا حنان.
محال تكون انسان.
.
ماما ماما
.
ماما ماما
فين هو بابا ؟
شحال من مرةكنتو مجموعين
في الغابة.
كنتو متعانقين.
فين هو بابا ؟
ياك واعدك بالزواج بالنية.
وانت قابلة راضية بالقسمية.
علاش ما حضر يوم حليت عيني؟
فهاذ الدنيا ؟
حتى انت ما فرحتي
و علاش غوتي؟
ديما تبكي.
وعلي تشكي؟
ياك نهار تخبط ف بطنك .
قلت غادي نسعدك .
فرحتي وعانقتي بابا.
وتواعدتو تواجهو الحياة بصلابا
او دابا ؟
علاش استسلمتو؟
وفي بزوجكم سلمتو؟
و علي تخليتو
ف وسط الغابة.
بين وحوش و ديابا.؟
ماما ماما
الله اللي خلقني
قادر ارزقني.
لا تفكري في غدا
نعيشو اليوم بعدا.
فينك أماما؟
انقديني
انقديني .
لا ترميني.
ماما ماما
ياك انا وليدك.
وقطعة منك.
سمعي غير لقليبك.
رانا نضيع.
وا نا رضيع..
عمر بنحيدي نشرتها اول مرة يوم 7/6/2017
ليست هناك تعليقات:
إرسال تعليق