سعيد فرحاوي

*******

وطيات سعدنا.

البارح وانا سارح
راكب هبالي مالح
معنك شلا حلمات 
مرة هي هضرة
مرة هي نظرة
مرات شلا قلبات
وحلات زهر ناعس
غلبات وقت فالس
ياك لعمر حلفة مارة
ولغدر دفلة حارة
وليام خربة خرفات
كول عيشة خمحات
واهلي خرافة ختراث
في وجع سكوعية سعدنا
نعسات... شرفات..
كول تم قبرنا
كول صداع عكرنا
كول احنا نعجات..
اتلف ركبنا
اوقف عمرنا
او كثرات الزحمات
البارح
صوتنا بح
رجانا انطح شلا حيوط
شلا رهوط
ولعيطة بيضة مغدورة
بلا بح
بلا صح
بلا موالي
بلا تاويل
لابسا رجاها
شلا صر
شلا ضر
شلا توضار
وانا سارح
مابقا مايفرح
الكمرا غمضات عيونها
طيحات انجومها
او سالت شلا عكرات
شلا وطيات
شلا نطحات..