بقلم الاستاد لحسن بوعاد

بخاتم   الخطبة    مرهونة
...........................................
وصيتك     يا  قلبي    لا  تفرح
وتزيدني    جرح  على    جرح
لا   تفرح    يا  قلبي ،    لا ،  لا
و   تصير       حالتك       حالة
فيك     يتشفى    من      والى
لا      تلوموني      يا        ناس
كانت    غلطة   ما  فيها     باس
فهموني   نترجاكم  و بلا  تعليق
من  اليوم    ما    بقيت     نثيق
جاني    واحد     من     الخطاب
عند      ناسي     دق       الباب
رهني         بخاتم     ؤ    غاب
خلاني   في   حيرة     وعداب
ولا  عرفت    آش من    اسباب
لاحبابي  ؤ ناسي  مالقيت  جواب
من     الخطبة      علي      راح
زادني  جرح        على     لجراح
عييت          بالبكى     و    نواح
مرهونة   يا     ناس        مرهونة
والصدمة   في   قلبي    مدفونة
رهني         يا     ناس       بخاتم
ما خاف  من    الله     ولا   حشم
يجيه        نهار       و      يندم
من    هادي   ما      بقيت      نثيق
لا  في        صاحب     ولا    رفيق
من     معاه        نكمل      الطريق
حرام    يا        ناس        حرام
لا      تكثرو      علي       لكلام
تايقة       في   الحب    والغرام
بخاتم   مرهونة   سنين   واعوام
حرام        يا        ناس     نتلام
عاهدني    وبالعاهد    ما   ؤفى
رهني   وخلاني   وعطاني  بلقفى
الشاعر  الغنائي
لحسن  بوعاد