ياك ما قاصر ظنوني ؟ :
يا عيوني!
بك عيروني
ف عرضي نهشوني
العديان ما رحموني
ياك ماقاصر ظنوني؟
بكلامهم ف قلبي حرقوني
منك بغاو يحرموني
علاش ياعيوني؟
ياك ما قاصر ظنوني ؟
قلت لهم فهموني
شحال من واحد.تغر (١)
بجمال المظهر
كلفتو (٢) كتقهر
كل يوم بمظهر
علاش ياعيوني؟
ياك ماقاصر ظنوني ؟
بك عيروني
يا ناس فهموني
ماشي دنبي
سولو قلبي
عجبو الزين العربي
عجبو الغزال المغربي
علاش يا عيوني؟
ياك ما قاصر ظنوني ؟
بك عيروني
يا ناس فهموني
علاه الزين غير ف العين؟
راه بعقلو و رزين
و كلامو حنين
يدخل الخاطر ف الحين
علاش يا عيوني؟
بك عيروني
ياك ما قاصر ظنوني ؟
قلبو رطب
جمالو يجلب
مبتسم ما يغضب
ما يهمش الى بك عيروني
او قاصر ظنوني
ياك انا بك معجب
وفيك كنرغب
كل واحد و شكون يحب
* *
(١)تغر :سكون فوق التاء وفتحة فوق الغين
(٢)كلفتو: كلفته أي ما يكلفه
.7/11/2017
عمر بنحيدي
عمر بنحيدي
ليست هناك تعليقات:
إرسال تعليق