نزهة صابر ام القمرين

**********

صنعها فنان

بعد ما هلل لهلال
أنطق سيد الرجال

بكلمة وحدة گالينا
خاصنا نجيبو العز بايدينا
الموسم غدا يعمر

بنسا ورجال
شبان ؤ صبيان

الحركة حركت
حار لعدو
فينا

مسيرة صنعها فنان
فكر خمم
على الوحدة عزم
خرجت قبائل
من كل جيهة وجيل
مساوية كيف سربة الخيل

بكتاب الله
و ذكر الرحمان

حبة حبة
يا رمال الصحرا
لبلادك راجعة
جامعة الهمة والشأن

كانت عيطة
من جبال
و حتى لوطى

كلشي سلم
من روحوا عطى

تجمعوالربايع
قصدو الصحرا

اليد في ليد
الراجل و لمرا

ساروا نهار وليل
مع الشمس و ضو الگمرة

شي يغوت
شي يجري ما يتلفت

غواتهم لعلالي
و راية المغرب تشالي

الله الله و قرأن معانا
الله و القرآن معانا

جينا نحققوا الأمل
حنا و الملك الحسن

مسيرتنا مسيرة سلام
هذا حقنا
و مول الحق
ما يتلام

حاملين كتاب الله
ساجدين ليه سبحانه

دخلنا محزمين
لرمالنا واصلين
و راية لبلاد هازين

تسمع الصوت الحر
وزغاريت النصر

لعدو داب اغبر
ورجعنا الصحرا
اشبر أشبر

جمعنا الهمة والشأن
ؤ فينا حارت شلا بلدان

مسيرة أمة وشعب
ف التاريخ ارشمناها
بكلمة من شعب
ؤ الملك الهمام

كان هدا درس
تعلموه الطغيان

*************
نزهة صابر ام القمرين