Toufik Rwicha

3 h

قصيدة اليوم بعنوان
«بقيتي فيا يا جارة»
..

ماشي انت اللي عرفتك
ما شي انت
وحتى ايلا كنتي انت
راك تبدلتي
.
كنتي زينة مسرارة
زينك عادي يا اختي
العفة والطهارة
بين حبابك تربيتي
.
بقيتي فيا ويا خسارة
في شرفك فرطي
تبعتي القلوب المشرارة
حتى في صورتك كشفتي
.
كنتي تباني كيف الجوهرة
والناس تسكت ايلا نطقتي
غرك مول الشكارة
شوفي اليوم فين وصلتي
.
تبليتي بالكاس والسيجارة
ما خليتي فين امشيتي
شحال ركبتي من سيارة
اش من رباح اربحتي
.
ما انا خوك واللابوك يا جارة
لكن فيا بقيتي
كلامي مجرد اشارة
ونتمنى تكوني فهمتي
.
توفيق رويشة 29/10/2017