وما بغا يتگعد
وأنا الغالط
قريت البرا من گفاها
والغلة البرد داها
وجا البرق والرعد
وحلفت الشتا لا نقطت
وبقينا تابعين الغضيگة
اه حقا مراكشية لما صبت الصباح...
تصب عشية
وكلشي يلغي البهيمة على غداها
والمرة على كرشها وكساها
وكلا وفين عطاها
شي خرج بقرة كحلة يترجاها
البقرة بول بول يارب يعطينا السبول
والصبيان شدو المغرفة وغطاوها
ودارو تاغنجة يارب اسقينا واروينا
والفقيه حلف ما يتحرك ولا صلاة الإستسقاء يسبق!
وأنا مقابل ونشوف
ونحلف بالحلوف
ولبغيتو نزممها حروف
بلي الخير يجي منا
وحبنا لمولانا
الله يصاوب الحال الدلال .
**********
بقل/ مراد بوقال
بقل/ مراد بوقال
ليست هناك تعليقات:
إرسال تعليق