كي نابك يا ولفي
----000----
كي نابك يا ولفي
تا غا واحد العريان
و نايض تخطب بالزعامة
بنت الشان والمرشان
وهي باغا مول التاج
وملي ما بغاتك
العنتيها في كل كتاب
وأنت كيف الكلب المجراب
كلشي خايف منك لا تعاديه
وتكون حيلة وسباب
كي نابك يا ولفي
تا كسكستي على الرنب
والرنب باقا في الدومة
ؤ بتي حاتل
اتمضي في الجناوة
ومجد الذبيحة
وصابح دقg في لوتاد
باغي تبني الخيمة
ودير عرس
لمولاي السلطان
وتعرض على لحباب و لجواد
اللي سيفطتي ليهم عراض
على عود عركgان
داتهم حملة الواد
وملي راح الليل
ولبستي الجلابة والبلغة
و تلحفتي بالسلهام
ما حضروا من الضيفان
لمعول اعليهم
باش اتسخن العرس
غير شي جيران و كلاب
كي نابك يا ولفي
اشحال هذا من عام
ما بغيتي اتقاد
ملي ايجي الصيف
ما تحصد غا لكساد
ودير ما عند امريضك باس
وتزيد اعقاب على اعقاب
وتقول هذا مكتاب
كي نابك يا ولفي
تا ادفنتي راسك حي
وخليتي اكلاب لكgرنة
ايبولوا اعليك بالدوام
و نتا من نفسك الباردة
ؤ من لعيا وحرالعطش
اشربتي بولهم ابلا كيسان
تشرب وتمدح وفرحان
وتقول ماكم انقي
اسقا لعروق وعمر الويدان
ؤ من قلة حر النفس
وما اعلك غير تفرح
ؤ ترجع تنعس
وتقول ما احلاها ايام
كي نابك يا ولفي
عايش امبرهش بالدوام
ما اتليت انعرفك
واش امعايا
ؤ لا امعا العديان
كلما عولت اعليك
لقاك امقرقب وسكران
ما مدي ما جايب في ليام
كي نابك يا ولفي
جيت انفيقك من الكgلبة
القيتك كي العود الحران
ما تساكg ما اتكgاد
وملي فقتي ياغديدي
بهدلتيني وسط الجيران
رديتيني ما نسوى ثمان
كي نابك يا ولفي
احسبناك احرير حر
نتعناو بك في البريم
و نصاوبو منك مجدول
القيناك امزور ومكعلل
ما تصلح حتى لحاجة
اخسارة فك ريال
كي نابك يا ولفي
اكgرانك عامو وقتطعو الواد
ونت ابقيتي حاصل
عولنا اعليك اتكون سيدي
تاتا عوام وعلام
اتسر الناظر
وتفرح الخاطر
ساعة القيناك غير خلاي لخيام
تا غا واحد العريان
و نايض تخطب بالزعامة
بنت الشان والمرشان
وهي باغا مول التاج
وملي ما بغاتك
العنتيها في كل كتاب
وأنت كيف الكلب المجراب
كلشي خايف منك لا تعاديه
وتكون حيلة وسباب
كي نابك يا ولفي
تا كسكستي على الرنب
والرنب باقا في الدومة
ؤ بتي حاتل
اتمضي في الجناوة
ومجد الذبيحة
وصابح دقg في لوتاد
باغي تبني الخيمة
ودير عرس
لمولاي السلطان
وتعرض على لحباب و لجواد
اللي سيفطتي ليهم عراض
على عود عركgان
داتهم حملة الواد
وملي راح الليل
ولبستي الجلابة والبلغة
و تلحفتي بالسلهام
ما حضروا من الضيفان
لمعول اعليهم
باش اتسخن العرس
غير شي جيران و كلاب
كي نابك يا ولفي
اشحال هذا من عام
ما بغيتي اتقاد
ملي ايجي الصيف
ما تحصد غا لكساد
ودير ما عند امريضك باس
وتزيد اعقاب على اعقاب
وتقول هذا مكتاب
كي نابك يا ولفي
تا ادفنتي راسك حي
وخليتي اكلاب لكgرنة
ايبولوا اعليك بالدوام
و نتا من نفسك الباردة
ؤ من لعيا وحرالعطش
اشربتي بولهم ابلا كيسان
تشرب وتمدح وفرحان
وتقول ماكم انقي
اسقا لعروق وعمر الويدان
ؤ من قلة حر النفس
وما اعلك غير تفرح
ؤ ترجع تنعس
وتقول ما احلاها ايام
كي نابك يا ولفي
عايش امبرهش بالدوام
ما اتليت انعرفك
واش امعايا
ؤ لا امعا العديان
كلما عولت اعليك
لقاك امقرقب وسكران
ما مدي ما جايب في ليام
كي نابك يا ولفي
جيت انفيقك من الكgلبة
القيتك كي العود الحران
ما تساكg ما اتكgاد
وملي فقتي ياغديدي
بهدلتيني وسط الجيران
رديتيني ما نسوى ثمان
كي نابك يا ولفي
احسبناك احرير حر
نتعناو بك في البريم
و نصاوبو منك مجدول
القيناك امزور ومكعلل
ما تصلح حتى لحاجة
اخسارة فك ريال
كي نابك يا ولفي
اكgرانك عامو وقتطعو الواد
ونت ابقيتي حاصل
عولنا اعليك اتكون سيدي
تاتا عوام وعلام
اتسر الناظر
وتفرح الخاطر
ساعة القيناك غير خلاي لخيام
*******************
بقلمي
صباح يوم الثلاثاء 24 أكتوبر 2017
ليست هناك تعليقات:
إرسال تعليق