واش ما بقاش من يتوب؟
بعد ما
دربوه الحيوط
بعدما
كالها بالسوط
بعدما
كان جاهل
فكرشو حاصل
حبابو هامل
ياك باب التوبة مفتوح
ولكن ...
هذا حالنا
وليت غريب حتى في دارنا
طريق الشر
لقيت ....
شلا صحاب
ف صفة دياب
كنت نصحابهم حباب
حلو ليا باب
طريقو طويلة
شوكها يبان نوار ...
في حصيدة
وحاشا واش يخصرو لي خاطر
البلا من جيوبهم حاظر
وأنا غير نآمر
ومني دخلت
وف ضلامهم سرت
وليت وحدي نهيت
قالو ها انت
ها أنت اتبت
ولا سحت(تقال للماعز بمعنى إدهب)
واليوم بغيت نتوب
نبعد من الذنوب
منبقاش مزغوب
بلاكتي في ظهري مضروب
ما لقيت لا حنين
لا رحيم
والشوفة فيا تبدلت
وليت حديت العيالات
ولاو فيا شادات
وأنا رفعت رجايا
لوارث الارض وما فيها
رجعت من ديك الطريق وما يجيها
********
بقلم /مراد بوقال
بقلم /مراد بوقال
ليست هناك تعليقات:
إرسال تعليق