حسن تميم

***

بَاشْ انْعَزّيكْ
يا دَاتِي ...
بَ سْحَابَة واكْحَة
وْ لا بْ خيطْ راشِي
بْ حَرْفْ غْشيمْ 
و لا ب فهامة مْنهزْرَة
بْ دَيْ مْسَكّمْ
و لا بَ لْغَا غَاشِي
انْعَزِيكْ ....
بَ كْلامْ الْغَوْسْ
نْكّولٌو نْحْيطْ
نْعَنَّكّ خْيالَكْ
نتْنَهَدْ بينْ ضْلوعَكْ
نبْكي و نتْنَخْصَصْ
حتى دمٌوعِي تْشِيطْ
كّلْتْ انَا ...
انْشَدْ عْزوكْ نكّطاتْ
منْ ديكْ السْحابَة
الى هِيَّ رْواتْ
نفْتَلْ داكْ الخيْطْ المغْشوشْ
نتْحَرَّفْ بيهْ عَرْفِي
وْ نَوْكَّفْ كّدَّامْ قبْرَكْ
اْنشَالي بْ حَرْفِي
نْكٌّولْ ... انا مٌولْ هادْ الكَّسْدَة
ها الشَّاهَدْ قصِيدَة
و ها الكَلْمَة رٌوحِي فِيهْ الدَّفْنَاتْ
.
.
حسن تميم 24/10/2017