لحسن بوعاد

*****************

الشيب ما هو عيب
،،،،،،،،،،،،،،،،،،،،،،،،،،،
إلا ظهر في الراس الشيب
ما شي حرا م ولا عيب
لا تشوفو الشيب في الراس
وتحكمو باحكامكم على الناس
يالي بالشيب دخلك الوسواس
العمر بلون الشعر ما يتقاس
شحال من شابات وشبان شابو
ما عرفو الراس آش صابو
واش موروث من ناسو واحبابو
عايش محتار زاد عدابو
بالشيب في لوجه والراس فقد صوابو
المشاكل لهموم و التخمام
يزيدو في لعمر شحال من عام
لعقل مشغول على الدوام
ولا تشوفو الشيب وتحكمو باحكام
الشيب ما هو عيب يا ناس
اظهر في الوجه او في الراس
به العمر ما يتقاس
شحال من شاب راسو شاب
وشحال من شيخ مازال شاب
ما حاسب للدنيا حساب
عايش راضي بالمكتاب
الشيب إلا ظهر ماهو عار
ليام دايرة ناعورة على كبار وصغار
إلا بان واظهر الشيب
ماهو حرام ولا عيب

****************

كلمات الشاعر الغنائيلحسن بوعاد