Med Zerouani

احنا سلعة
.....
احنا سلعة ف سوق الدلالة
فينا يبيع ويشري من والة
الدلال فينا يبرح بفلس اهزالة
بسم الله فتوح السوق عمارة
عيشتنا ف يد الله ربنا قادر بعبادو
بالمزايدة افتوح الدلالة ساروا
بلوصاف صار الدلال يزين الدلالة
الصوف خشين التسبيطة انعالة
انزاهتنا هموم او سكنتنا نوالة
الطمع ف السلعة لمفالس هطالة
ما نطمع في ربح الرزاق مولانة
زيد في السومة يا دلال لبيع يرصى
لا تشري حتى تقلب
او
لا تبيع حتى تكسب
كان هدا كلام لكسابة
السوق عديم السومة هزيلة
الوجوه عابسة السومة رديلة
دور ادلال الكسيبة عليلة
دور ادلال وحكم الحيلة
بالحكمة بيع الرسوم تقيلة
احكم لوثاق لرحبة مثينة
الشاري عطى جهدو والنفس عزيزة
ازرعنا بالنية احصادنا صابة
لحمل اوفير والحمالة نكالة
قصيفة عيشتنا حالتنا حالة
عطشانين شرابنا اغسالة
السومة بخيسة والبخاس احثالة
لحمنا حرام ما يدوز ف وزيعة
دمنا مجهول ما يليق ف نحيرة
دور ادلال السلعة رديلة
احديث الكشوش عامر حيلة
اهزل الفلس و كلابنا اقباحو
سوقنا ف الظلام
ما يعمر فيه حنا ما نتباعو
الشاري سلم ف البيعة
النية غلبت سوقنا بصلاحو
اطلب التسليم يا الداخل لمقامو
سوقنا ما يدخلو بخاس
ما يعرف خبالو
سر لسواق ف قوافيه
ما هي ف رباحو
سوقنا شريف ميصل بتجارو
ما انا غير نظام لكلام لخيارو

.....
بقام محمد زرواني
الدارالبيضاء