محمد الشافعي

أنااا مرايتك يالمرا

(زجل مرتجل)

أنا كاين وتَّعبي عينيك?
حرام عليك
وانا خْلاقيت هاليك
نجني السعادة
نرميها عطور وطيبْ عليك
بلاما تحتاجي لمرايا
أنا نشوف ونكول ليك
انت كمرة فسمايا
نورك جْميلْ
إلى ضواني
نبتَتْ نجوم حذايا
وكان لَحْضورها حب وغاية
وزاد عشقي ليك
أنت هبة ليا مَ رَّبي
تمطري رحمة وتصبي
لوصاف الزينة تجمعتْ فيك
حبَّبْني ليك اللّٰه
وحبَّكْ لقلبي
الضعف لمعشش الساكن فيك
يقدر يخونك يلعب بيك
وانا بروحي نفديك
حيت ماكاين غيرك فالدنيا
انتِ وناسة وشَطْنَة
أنتِ بَلْيَا
أنتِ الحياة
تجوعْ الروح ومنك تقتاتْ
وبيك تجدَّدْ الدنيا
لَقْدامتْ وبْلاتْ
شحال من مومّو كبر بين يديك
انتِ جوهر غالي
إلى لْطفْتْ بيك
صفات سمايا
وصار كوني من الشر خالي
ويلا خطيت فحقك ياحوَّا
مكوااااني ومكواني
وما ريتْ كيف حالك ياحالي
الجهد ياراسي تقاضَا ليك

*****
محمد الشافعي

18/06/2016

(حقوق الملكية مسجلة)