Ahmed Naciri
****************

صيدلانية وقلب حنين
من طبيبي جيتها جاري...
بيدي وصفة ليها نشكي وننين
مسكينة عرفت أشنو طاري....
شجعتني وكانت ليا عوين
جمعت دوايا..سيرو و غباري...
جميلة .وحاجبها هلال فوق العين
لبسة بيضا ..ومنها شاد وقاري....
فرحتني بعدما كنت حزين
وعاملتني بحال الميمة ف شواري...
هزلت قدامها وخا أنا سمين
وخفيت وخا ثقيل عباري...
لدوايا مدت وللشفاء قالت آمين
ونبغيك تتبع التريتمو ياجاري...
تلفت حتى ما عرفت الباب منين
وحسبت الخطوات وقلت يا ناري...
سبحان الله لي خلق هاذ الزين
بيه نداوا ..اما الصيدلية ولات سباب غياري.

***********************************

بقلم..أحمد الناصري.

حقوق الملكية محفوظة

...