فريدة حداد

*******************

القلوب بكات 
وعلى خدود الزمان
دموعها ساحت
ما عرفات باش تبلات
وعلاش عيونها ناحت

ريحة الخديعة
من الكل فاحت
والقلوب سكنها عفريت
شحال من ريوس
بسبابو طاحت....
الدم تلوت....
لغبينة ملكاتو......
والفرحة هجراتو...
لخاوا مع الواد دردبت
وفجوف الريح سكنت
لجورة للي كانت مبشورة
صبحات عينها محدورة
وكلمة اولادي هم ولادك
ماتت موتة مغدورة
زمانا بكى علينا......
وعلى نفوسنا المغرورة
الأمارة بالسوء....
رماتنا ف مطمورة
سدت عيونا على الخير
واحنا من غفلتنا تعمينا
يام...وعوام....وشهورا
وهاد الحالة ولات بينا
كثيرة ....ومشهورة......

********************
فريدة حداد

حفوق الملكية محفوظة