Babat Aya

************************

عاشورا
خلينا لب الدين وشدينا لقشورا
المنكر ف كل مكان
الجيران ولاو عديان
وقلنا نحتافلو بعاشورا 
بدرو لما وقالو زمزم
وبدا لخصام وسال الدم
بسباب لميهة لمقدورة
للي درنا ماجا بيه دين
فين لمسؤولين ولوالدين
لعوافي ولقنابل منشورة
متعادين بلا سباب
مذلولين ك اتراب
وكل الناس مضرورة
يسحرو ماعليهم حكام
ف الروضة يديرو زحام
ويقولو عيشتنا مقهورة
هاد اشي ف الدين حرام
عاشورا يوم الصيام
وفين لخاوا وفين الجورا
ديننا ما تعلمنا
وليدنا ماربيناه
وكل اوقاتنا مهدورة 

****************
عبدالله عليم