غير..... داوية
***********
واش حنا شجرة ..خضرة
ولا اجدَعْ من ْاخشب
يبْست فينا لخْضوريّة
واشرف فينا لعجب
ولّيْتو كُلكم نّجارا
لعياقا واشطارا
ومن ضلوعنا صايبتو مَرْكب
وليتو بحّارة
حشّيتو لمرجان
ؤ جرْجفتو اذهب
عمّرتو الشكّارة
بلا اشْطارا
وادهَيْتونا بمْحاجي لْڭارة
ؤ طنطين الطّارا
شافت عيني ناس
ساكنين تحت اشطبْ
اسمعت لْجُرح يْنين
ؤ ما تْحَدْ لْباس
لبست الليل واتفرّشت السّاس
سَخْنت دموعي واشعل لحْطب
راب الزّرب
وڭفَت الضّغمة
ؤ وحلت الجُّغمة
يْبسْ اطعامي ف لكسكاس
واتحرڭت لبُرْمة
لْهَنكارة تْحَفات
ولحلمة لُقْمة لغربان
لازم
يابنادم
تْعومو فغربال الميزان
وتْزكّيو احصادكم يانكّارة
اخسارة عليكم
اخســـــــــارة
***************
وفاء أم حمزة ج
ليست هناك تعليقات:
إرسال تعليق