الما(ء) و السكات
السكات مقص ..يقطع حس الهضره لي ما فيها نفس
السكات غوات..يدوي بكل اللغات
قطع الزي عفاك.. وسمع داك السكات لي حداك
..........
.............
شي سكات!!!!
و الدق ف الدات
شحال من حس تفركس؟...
و شحال من ضلعه تهرسات؟
..........
..........
السكات ما(ء)
ما هو هرهوري
السكات مكانه
ما عندها موري
السكات كلمه
ماتت قبل ما تسمى
السكات حلمه
فاقت مع النبوري
.........
...........
خليوه سالت
خليوه ساكت
ما تدوزوش عليه
خليوه تم
خليوه ما (ء)
لي جاه عندو يديه
...........
.............
حدر من غواتي
حتى تهدا نفسي
زيد ف سكاتي
حتى يبدا حسي
ريكلني...
قادني مع موجك
حتى يركب عودي
مع مجاج عودك....
اطريشا عبدالحق المغربي
ليست هناك تعليقات:
إرسال تعليق