Mohamad Jamjama

---------------------------------------

الكسدة هجروها
سكانها.

***
هججتهم الاسقام
الكgلب
جهدو خانو

بقى فريد
ناقوس يدق... يتراقص
بين همومو وحزانو

بقى الكgلب مينة
واااامينة ....
ها عيطة ها غوتة
ها خبطة ها شحطة
مسمعتي دقانو..

طن ..طن..
لي ما في راسو
ما يفطن.. مينة
داها ولد عمها...

يا الكgلب دفنتي
سر مينة ف بير
وسرتي مينة
تلطم هدي تتفركgع هدي
يفور الماء
وما تبرد كية مينة

***....

جمجامة.محمد
هامش..
(المينة) بنصب الميم-قنبلة تفجر بها صخور الماء في الابار