****مرود بهاك****
دازْ مَرْوَدْ بْهاكْ بينْ عيني
جَفْلَتْ مَنِّي روحي
مَرَّة تّسْبَقْ الرِّيحْ
وْتْجيني
تَحْضَنِّي وْتْواسيني
تَسْرَقْ مَنِّي عيني
تَسْرَقْ مَنِّي شوفاتْ
تْلَبَّسْني مْرايا نْشوفْني
فيها عْروسَة
يَدِّيها لَلْحَنَّة مَدَّاتْ
وْمَرَّة تَهْجَرْ
عَنْ عيني تْغيبْ
تْحافيني وْتْبَكِّيني
وْ تْجافي قَلْبي
تْخَلِّيهْ غْريبْ
يْتْعَصَّرْ عَصْراتْ
حْسَبَتَكْ أَنايا وْغَبْتْ فيكْ
ظَنِّيتَكْ هْنايا
وْتْمَدَّدْتْ فْعَيْنيكْ
نَزْرَعْني وْرودْ فْجَنْتَكْ
تَقٌطَفْني شوكاتْ
نْوَرَّدْ لَخْدودْ بْمْحَبْتَكْ
تَضَحَكْ وْتْزيدْ خَلْفاتْ
وْتَطْفي نارْ شْواقي
لِّي فْقَلْبي شَعْلاتْ
صَبْري تْهَرَّدْ
اللِّيلَة جَمْري يَبْرَدْ
نَطْفي فِيَّا حْروفي تَبْرَدْ
نَسْقيها جَغْمَة جَغْمَة
تَرْياقْ لَجْفى
وْنْوَصِّي عيني تَهْجَرْ مَرْوْدَكْ
وْتَهْمَدْ
جَفْلَتْ مَنِّي روحي
مَرَّة تّسْبَقْ الرِّيحْ
وْتْجيني
تَحْضَنِّي وْتْواسيني
تَسْرَقْ مَنِّي عيني
تَسْرَقْ مَنِّي شوفاتْ
تْلَبَّسْني مْرايا نْشوفْني
فيها عْروسَة
يَدِّيها لَلْحَنَّة مَدَّاتْ
وْمَرَّة تَهْجَرْ
عَنْ عيني تْغيبْ
تْحافيني وْتْبَكِّيني
وْ تْجافي قَلْبي
تْخَلِّيهْ غْريبْ
يْتْعَصَّرْ عَصْراتْ
حْسَبَتَكْ أَنايا وْغَبْتْ فيكْ
ظَنِّيتَكْ هْنايا
وْتْمَدَّدْتْ فْعَيْنيكْ
نَزْرَعْني وْرودْ فْجَنْتَكْ
تَقٌطَفْني شوكاتْ
نْوَرَّدْ لَخْدودْ بْمْحَبْتَكْ
تَضَحَكْ وْتْزيدْ خَلْفاتْ
وْتَطْفي نارْ شْواقي
لِّي فْقَلْبي شَعْلاتْ
صَبْري تْهَرَّدْ
اللِّيلَة جَمْري يَبْرَدْ
نَطْفي فِيَّا حْروفي تَبْرَدْ
نَسْقيها جَغْمَة جَغْمَة
تَرْياقْ لَجْفى
وْنْوَصِّي عيني تَهْجَرْ مَرْوْدَكْ
وْتَهْمَدْ
***
ليست هناك تعليقات:
إرسال تعليق