شعيب صالح المدوري

*****

كِيفْ يَمْكَنْ

***

كِيفْ يَمْكَنْ...

لْگَلْب يَجْفَاكْ

اِمِيلْ لِضْنَاكْ

ؤُانْتِ رُوحِ وَجْدَانِي

كِيفْ يَمْكَنْ...

لْعِينْ تَنْسَاكْ

تْنَكُرْ رْضَاكْ

وَانْتِ بِ حُبَّكْ غَمْرَانِي

كِيفْ يَمْكَنْ...

رُّوحْ تَخْطَاكْ

ؤُ لَعْقَلْ مْعَاكْ

وَانْتِ وَحْدَكْ مَلْكَانِي

كِيفْ يَمْكَنْ...

لَحْرُوفْ تَغْوَاكْ

ؤُهِيَ مْسَطْرَاكْ

قَصَّةْ عُمُرْ زْمَانِي

كِيفْ يَمْكَنْ...

نْكُونْ بِ بَالَكْ

مْشَارَكْ سْرَارَكْ

وُنْسَا حُبَّكْ زَهْوَانِي

كِيفْ يَمْكَنْ...

عَهْدِي خَانَكْ

ؤُ نْسِيتْ مْقَامَكْ

ؤُ انْتِ قُرَّةْ عْيَانِي

كِيفْ يَمْكَنْ...

ظْنُونْ افْكَارَكْ

مْوَرْدَاكْ مْرَارَكْ

خَلَّيتِي لَعْوَافِي كَاوْيَانِي

...

شعيب صالح المدكوري

تامسنة 09.01.2018