Malika El Idrissi

******

خاب ظني فيك
يا داك الحمام
خليتي عشك
العامر ب لقتات
و فضلتي عش الغريب
الواقف بلا وتاد
تجول من بلاد لبلاد
راسك ف السما
و عقلك كله تخمام
ركبتي عنادك
قطع الزمان جناحك
وليتي غريب ف وطانك
تصفق ليك الطيور المهاجرة
تغرك ب غناها
الملحن من حزانك
آشمن فايدة
من عنادك
من عش غريب
بنى ب جناحك
وكارو
غدا يشبع منك
ويكره تغرادك
يرميك من عشو
و يا ريث ما خنتي
أوطانك
خاب ظني فيك
يا داك لحمام

شاعرة بوابة الاطلس
لالة مليكة الادريسي