Driss El Khayati

******

كلام المجدوب

هاداك يا هاداك
دير الموت حداك
راك من هم الدنيا مالك سلاك
مكتوب عليك تمارة منهَّار ولدك اباك
تكايس على راسك عافاك
راك ماتدي غير لي مكتبو مولاك
تهلا في الوالدين راني تانترجاك
وحضي راسك من البلية راها هالاك
صلي صلاتك و خرَّج زكاك
راك غير بنادم ماشي ملاك
نوصيك تعاشر لي يعرف سواك
وماتتغر بالضحكة الصفرة
حيت من بعد تاتولي حگرة
والصاحب الطماع ماتشبعو هضرة
و قيل عليك اسهير، بحال الگمرة
راه لفياق بكري بالذهب مشري
تبقا ديما شباب بحال ادري
كول الخضرة و لا تاكل المشوي
راه اللحوم للصحة تاتكوي
و الفاكية بحلاوتها ماتخليك ساهي
ؤهز ديما راسك للفوق وماتخليه مدلي
ؤحمد الله على لي سمعتي من عندي

بقلم إدريس الخياطي