÷÷÷ العطار ÷÷÷
وقفت قدام حانوت العطار
بديت نستغرب
على ما شافت عيني
جاني لعجب
كلشي محطوط ؤ مرتب
محالو عامر
اللي فيه الحساسية
على الراويح الطالعة من لعطور ما يقدر
ها حبة حلاوة والزعفران الحر
الكبابة والخردل
زيد عليهم السنبل ،الحرمل ولكحل
معاهم حبة الهيل ؤ لقرونفل
ها الزعتر والقرفة
حب الرشاد ؤ حبة البركة
الحنة ولخزامة
الحلبة ولفريرة
لحديدة الزرقة و الحمرة
العطار تبارك الله عليه
بالخف إيوجد اللي طلبتيه
كلشي عندو موجود
ها أنواع القطران
ؤ ها قشور الرمان
ف جنبهوم زريعت الكتان
لهراتق الفضية والذهبيا
سرغينة و تاروبيا
شلا عشوب دوى للبشريا
حتى من الغاسول والصابون البلدي
حاضرين
هما وجلوف الكرموس اليابس الهندي
قشور الكركاع
البابونج ؤ لخرواع
المرسيطة
الكوزة الرقيقة ولغليظة
الشيح لخريسي
ؤ لعكر الفاسي
قاعقلة وبسيبيسة
لحرور مع لهريسة
حجرة الفك والمسكة الحرة
الصوجة والنويويرة
الشبة والحنتيتة
ورق السوسن والهروتة
القزبور ،فليو والورد اليابس
اللي شمو ،إيكحوب ؤ يعطس
شلا من لعطور
تفوسيخة ؤ لبخور
ؤ زيد ؤ زيد
إلى جيت نذكر الباقي نبقى غير نسمي
حتى يدخل العام الجديد
أما جنحين الطيور
على اﻷشكال
أنواع وألوان
الحيوانات الزحافة
مكوفرة ومجففة
منهوم القنفود والضربان
الفكرون ؤ جلدت الثعبان
معاهم طيور البوم والعقبان
ريوس الغزلان
معلقين ف ركاني الدكان
ما ننساوش الفاكية
التمر والشريحة
بنبنة مليحة
كاوكاو ، اللوز ؤ الجلجلان
الحمص ،الكركاع ؤ إيلان
إيه يا العطار
الحانوت عندك لوحة جميلة
راسمها متمرس فنان
بديت نستغرب
على ما شافت عيني
جاني لعجب
كلشي محطوط ؤ مرتب
محالو عامر
اللي فيه الحساسية
على الراويح الطالعة من لعطور ما يقدر
ها حبة حلاوة والزعفران الحر
الكبابة والخردل
زيد عليهم السنبل ،الحرمل ولكحل
معاهم حبة الهيل ؤ لقرونفل
ها الزعتر والقرفة
حب الرشاد ؤ حبة البركة
الحنة ولخزامة
الحلبة ولفريرة
لحديدة الزرقة و الحمرة
العطار تبارك الله عليه
بالخف إيوجد اللي طلبتيه
كلشي عندو موجود
ها أنواع القطران
ؤ ها قشور الرمان
ف جنبهوم زريعت الكتان
لهراتق الفضية والذهبيا
سرغينة و تاروبيا
شلا عشوب دوى للبشريا
حتى من الغاسول والصابون البلدي
حاضرين
هما وجلوف الكرموس اليابس الهندي
قشور الكركاع
البابونج ؤ لخرواع
المرسيطة
الكوزة الرقيقة ولغليظة
الشيح لخريسي
ؤ لعكر الفاسي
قاعقلة وبسيبيسة
لحرور مع لهريسة
حجرة الفك والمسكة الحرة
الصوجة والنويويرة
الشبة والحنتيتة
ورق السوسن والهروتة
القزبور ،فليو والورد اليابس
اللي شمو ،إيكحوب ؤ يعطس
شلا من لعطور
تفوسيخة ؤ لبخور
ؤ زيد ؤ زيد
إلى جيت نذكر الباقي نبقى غير نسمي
حتى يدخل العام الجديد
أما جنحين الطيور
على اﻷشكال
أنواع وألوان
الحيوانات الزحافة
مكوفرة ومجففة
منهوم القنفود والضربان
الفكرون ؤ جلدت الثعبان
معاهم طيور البوم والعقبان
ريوس الغزلان
معلقين ف ركاني الدكان
ما ننساوش الفاكية
التمر والشريحة
بنبنة مليحة
كاوكاو ، اللوز ؤ الجلجلان
الحمص ،الكركاع ؤ إيلان
إيه يا العطار
الحانوت عندك لوحة جميلة
راسمها متمرس فنان
الشاعر الزجال الغنائي : سعيد بوطرين
ليست هناك تعليقات:
إرسال تعليق