" درب لمحبة"
درب لمحبة درب طويل
وماشي غير نهار وليل
ب لوفا و النية الصافية
نقطعوا ألف ميل
انا ونتي و حلم جميل
و الحب يعطف ويسيل
لالة مولاتي يا الغالية
فخاطرك ندير المستحيل
شحال صبرتي وشحال
منين يتزاد همي ويتقال
نلقاك الشجرة الشافية
شوفة منك ويرتاح البال
تفرقني عليك غير الموت
واصلا أنا فيك كنموت
ديما حبك فيا نار گادية
جوهرة غار منها الياقوت
تفهمي جهدي وتقدري حالي
تصوني عرضي تصوني مالي
شحال يعجبني تغيري عليا
فرحي سعدي وشكون بحالي
منين يكثر الهم و المشاكل
بصبرك دغيا تلقايلي البديل
مرة وحلوة قسمتيها معايا
اللي دوزناه ماشي قليل
ديما فعيني جنان النوار
فبيتي نتي كاس البلار
ما نحتاج زواق ومرايا
نتي عنايتي بالليل والنهار
لشهب سعيد
درب لمحبة درب طويل
وماشي غير نهار وليل
ب لوفا و النية الصافية
نقطعوا ألف ميل
انا ونتي و حلم جميل
و الحب يعطف ويسيل
لالة مولاتي يا الغالية
فخاطرك ندير المستحيل
شحال صبرتي وشحال
منين يتزاد همي ويتقال
نلقاك الشجرة الشافية
شوفة منك ويرتاح البال
تفرقني عليك غير الموت
واصلا أنا فيك كنموت
ديما حبك فيا نار گادية
جوهرة غار منها الياقوت
تفهمي جهدي وتقدري حالي
تصوني عرضي تصوني مالي
شحال يعجبني تغيري عليا
فرحي سعدي وشكون بحالي
منين يكثر الهم و المشاكل
بصبرك دغيا تلقايلي البديل
مرة وحلوة قسمتيها معايا
اللي دوزناه ماشي قليل
ديما فعيني جنان النوار
فبيتي نتي كاس البلار
ما نحتاج زواق ومرايا
نتي عنايتي بالليل والنهار
لشهب سعيد
ليست هناك تعليقات:
إرسال تعليق