حفنة من عظامي
هزيت حفنة من لكلام
أورشيت لعظام
خرجت مني شلا نغام
أتفاجي عل الروح
ؤ سار فيا لكلام
وبدأت حروفي تشوف ف لخاطر
ؤ ولدت قصيدة راضعة لغيال
شاربة حليب الناكة
حروفها رأفدة لقوال
راكبة على ظهر لمعاني
اتبخر ف تقاف لقوافي
ؤ عاد اللسان المخطوف
يجري و يجاري طالب لفكاك
يكتب و يمحي ف لوح الطلبة
داير للمعنى اعلاش يرجع
سفيت الهضرة سفوف
باش الحرف لي نفسو باردة
يرجع ليه الشان ويدير الهمة
ويحيد الدل عالكلمة البايرة
شديت عرايا وكسيت الجوف
وكمدت فيه أعظام الحكمة
أوشكيت بهبال لحروف
الشكوى ليك يا المجدوب
انت تاخد الحق ف لحروف
لمسيراني بوهالي لابس دربالة
لايح شطايطي
مال هاد الحال تغرب
عدت فيه براني
نهز ارجل وانحط ارجل
باغي للحروف الطايلة
ؤبيها نوصل
سارت كليمات الجوف
بيا اتعكز وانا داوي نوكي
ساكت ندوي
وااااا هيا لحروف حتى لين
وانت تشيري بتخمامي
وانا على عتب الجدبة نشكي
خليني نتشعبط
في جلايل لقصيدة.
أدعيتك للمجدوب
هو ياخد فيك الحق
ياك ما بيتك عريانة
ماخليتك عليا فكعانة
ما حرزت اعليك قلم
ما خليتك ف حصدية
ايشطبوك الحصادة
ما شديتي العسة ف ليالي
ياك صريتك ف لكاشوش
حتى خمر فيك لكلام
ودفيتك ف الخاطر
وزرعتك قمح جديد
ونتيا تشطبي بجلايلك
ف الزناقي ؤ كلها فيك ايلاقي
مكزورة الظهر
زيديني سري انا...
ألي داير فيك راسي
قاري فيك لخير
وانت قارية حسيفة
حرفي فيك
مكثف
مغلف
زايد يحلف
بالحق إيلا أبقات فيك
اجي حتا لهاد الخاطر
ؤ باتي فيه.
أورشيت لعظام
خرجت مني شلا نغام
أتفاجي عل الروح
ؤ سار فيا لكلام
وبدأت حروفي تشوف ف لخاطر
ؤ ولدت قصيدة راضعة لغيال
شاربة حليب الناكة
حروفها رأفدة لقوال
راكبة على ظهر لمعاني
اتبخر ف تقاف لقوافي
ؤ عاد اللسان المخطوف
يجري و يجاري طالب لفكاك
يكتب و يمحي ف لوح الطلبة
داير للمعنى اعلاش يرجع
سفيت الهضرة سفوف
باش الحرف لي نفسو باردة
يرجع ليه الشان ويدير الهمة
ويحيد الدل عالكلمة البايرة
شديت عرايا وكسيت الجوف
وكمدت فيه أعظام الحكمة
أوشكيت بهبال لحروف
الشكوى ليك يا المجدوب
انت تاخد الحق ف لحروف
لمسيراني بوهالي لابس دربالة
لايح شطايطي
مال هاد الحال تغرب
عدت فيه براني
نهز ارجل وانحط ارجل
باغي للحروف الطايلة
ؤبيها نوصل
سارت كليمات الجوف
بيا اتعكز وانا داوي نوكي
ساكت ندوي
وااااا هيا لحروف حتى لين
وانت تشيري بتخمامي
وانا على عتب الجدبة نشكي
خليني نتشعبط
في جلايل لقصيدة.
أدعيتك للمجدوب
هو ياخد فيك الحق
ياك ما بيتك عريانة
ماخليتك عليا فكعانة
ما حرزت اعليك قلم
ما خليتك ف حصدية
ايشطبوك الحصادة
ما شديتي العسة ف ليالي
ياك صريتك ف لكاشوش
حتى خمر فيك لكلام
ودفيتك ف الخاطر
وزرعتك قمح جديد
ونتيا تشطبي بجلايلك
ف الزناقي ؤ كلها فيك ايلاقي
مكزورة الظهر
زيديني سري انا...
ألي داير فيك راسي
قاري فيك لخير
وانت قارية حسيفة
حرفي فيك
مكثف
مغلف
زايد يحلف
بالحق إيلا أبقات فيك
اجي حتا لهاد الخاطر
ؤ باتي فيه.
****************
بقلم محمد زرواني
حقوق الملكية محفوظة
ليست هناك تعليقات:
إرسال تعليق