غير............. داوي
------------------------------
------------------------------
كو كنت كاين
ڭاع كو ما كنت
علاش داك لّي فيّ باينْ
ؤكلكم شفتوه بلعيْنْ
ودْفنتوه كولّو لتحت
ؤ مكاينش لّي
سوّلني على داك لمخفي فيّ
فين غابْ عليّ
ولّا
حيت أنا شاك فيّ
ومخلّط فيّ لفوق ولتحت
وانا ملاهي مع مناول ازمان
صباح يْكرْكبْني لّعشِيّة
ؤ من تيطلع انهار
تنڭول هانا مشيت
ومن تيروح الليل
تنڭول هانا جيت
ؤ هاد اللعب كثر عليّ
ما عليّ ما بيّ
ربْڭولي اسمية
وارخاوني بلا نيّة
ؤ ڭالولي بيّاشْ
وعلاش
علاش هاد تْبقشيش
ياك انا منسواش
ياک انا غير مّيْها
مْسقْطرة ف ازحام الليل
ياك حنا غير تصاور
ولمسمار واحد
وعلاش محنْشَلّي ف اللوح
بِيّاش
بِ اخفَظْ
وانّصبة تجيب الليف
انا هو لّي ماشي أنا
ولّي انصبْ عليّ
فيّ اجْهَظ
ميّت ؤ حيْ
حيْ على
لكلام لّي مناطح مع لّي ضدّو
ؤ هما ف لكتاب خوتْ
حي ع لحياة لّي هي لموت
ؤ زايد ناقصْ دادّوحْ
سير واجي
طلع ؤ هوّد
تْمرّح واتْڭعّدْ
فرَخ وتْغَدّدْ
نْشف واسْردْ
تبرْبط وتْسرطط
واجي ؤ روحْ
والليف عْلامَن طولاتو
ؤ مَعْرفتْش علاش مسكونْ
يمكن
حيت أنا عارف منينْ خرجت
تعلّمت نبكي بلا فقيه
انهار اللولْ تزَدْت مجنون
ؤ منْهارْ الاول يموت لمش
يمكن السّر ف لما
يمكن هو الرّوح
يمكن انهار ظلمة
يمكن الليل مجروح
ؤ حلمة الليل ف انهار دْڭيلة
ولفَميلَة
تَتغامَز عَ لْڭميلة
ؤ دارتو ؤ مادار بيها غير لجواد
ااااااااامن جانا.....
فين غادي يجيك؟ فـــــــــاين..
كلشي ف خبار لْحَنّة
وانا مجلْطط بلا خبار
سؤال يولد سؤال
ولهجهوج يرّقّعْ لخواطر
وانت وانا بلا حزام
لْحال يخيّط خوه
ؤ لبحر ينْتَف ف انواظر
ومواجو ترد عليه
والشاهد عليّ انا... أنا
انا هو لقلم
ولّي كتبتو
مرّة نكفر عليه
مرّة نجهر بيه
داب السر يولّي بلسانو
دابا ف اللانهاية نبانو
ؤ تشهد لْحنّة وديك لحلمة
كيفاش لْما
فزّڭ تْرابي
وخلّاني نْبابي
بين بكية عريانة واسكات مْكفّنْ
ڭاع كو ما كنت
علاش داك لّي فيّ باينْ
ؤكلكم شفتوه بلعيْنْ
ودْفنتوه كولّو لتحت
ؤ مكاينش لّي
سوّلني على داك لمخفي فيّ
فين غابْ عليّ
ولّا
حيت أنا شاك فيّ
ومخلّط فيّ لفوق ولتحت
وانا ملاهي مع مناول ازمان
صباح يْكرْكبْني لّعشِيّة
ؤ من تيطلع انهار
تنڭول هانا مشيت
ومن تيروح الليل
تنڭول هانا جيت
ؤ هاد اللعب كثر عليّ
ما عليّ ما بيّ
ربْڭولي اسمية
وارخاوني بلا نيّة
ؤ ڭالولي بيّاشْ
وعلاش
علاش هاد تْبقشيش
ياك انا منسواش
ياک انا غير مّيْها
مْسقْطرة ف ازحام الليل
ياك حنا غير تصاور
ولمسمار واحد
وعلاش محنْشَلّي ف اللوح
بِيّاش
بِ اخفَظْ
وانّصبة تجيب الليف
انا هو لّي ماشي أنا
ولّي انصبْ عليّ
فيّ اجْهَظ
ميّت ؤ حيْ
حيْ على
لكلام لّي مناطح مع لّي ضدّو
ؤ هما ف لكتاب خوتْ
حي ع لحياة لّي هي لموت
ؤ زايد ناقصْ دادّوحْ
سير واجي
طلع ؤ هوّد
تْمرّح واتْڭعّدْ
فرَخ وتْغَدّدْ
نْشف واسْردْ
تبرْبط وتْسرطط
واجي ؤ روحْ
والليف عْلامَن طولاتو
ؤ مَعْرفتْش علاش مسكونْ
يمكن
حيت أنا عارف منينْ خرجت
تعلّمت نبكي بلا فقيه
انهار اللولْ تزَدْت مجنون
ؤ منْهارْ الاول يموت لمش
يمكن السّر ف لما
يمكن هو الرّوح
يمكن انهار ظلمة
يمكن الليل مجروح
ؤ حلمة الليل ف انهار دْڭيلة
ولفَميلَة
تَتغامَز عَ لْڭميلة
ؤ دارتو ؤ مادار بيها غير لجواد
ااااااااامن جانا.....
فين غادي يجيك؟ فـــــــــاين..
كلشي ف خبار لْحَنّة
وانا مجلْطط بلا خبار
سؤال يولد سؤال
ولهجهوج يرّقّعْ لخواطر
وانت وانا بلا حزام
لْحال يخيّط خوه
ؤ لبحر ينْتَف ف انواظر
ومواجو ترد عليه
والشاهد عليّ انا... أنا
انا هو لقلم
ولّي كتبتو
مرّة نكفر عليه
مرّة نجهر بيه
داب السر يولّي بلسانو
دابا ف اللانهاية نبانو
ؤ تشهد لْحنّة وديك لحلمة
كيفاش لْما
فزّڭ تْرابي
وخلّاني نْبابي
بين بكية عريانة واسكات مْكفّنْ
***************************
البوهالي : 2017.10.02
ليست هناك تعليقات:
إرسال تعليق