Asso Casa
**************
**************
جنب البير
باسم الحماية
قامت القيامة
بالظلم والطغيان
داروا الحماية
طريق و غاية
طيحو لعناية
صبحوا عديان
غرقت السفينة
في بحر لغبينة
في كل لقبيلة
بان فلان وفلان
حماوه بمخازنية
دوروه بمشاورية
وعاونوه بخلفان
خاذوا لكسيبة
خواو الزريبة
حق لقايد هيبة
ميات فدان وفدان
القائد خوف الناس
على فامهم دار عساس
ليه باعو بحير وجنان
بعبرة شعير
و خبز فطير
زادوه لمطير
ولاو خماسة ورعيان
الزينة في بنات لقبيلة
تهدى للقايد رهينة
ويلها تبين عصيان
الزينة تمشي للقصبة
تبين للشيباني محبة
تغني ليه : حبة حبة
من عيوط الحصبة
رد راسو من الشبان
القايد ما يخاف ربي
ما يصلي على نبي
ولا يلعن شيطان
خربوشة ذلت القايد
عذبوها كواوها بسفايد
دفنوها تحت الحيطان
الموسم الدنيا مقلوبة
خزانة القايد منصوبة
كبت الخيل المحبوبة
السربات شادين النوبة
لشارة من القايد وقبطان
الشيخات يغنيو عيطات
للقايد يجيبو تعريضات
على راس كل العلفات
ماكلتهم شي الخرفان
إلا خرج القايد للصيادة
بخماسة وحياحة وعدادة
يتمنع لحطب والسقيان
الباتول شافت في منامة
راجل على عود فيه شامة
لابس سلهام غضبان وزعفان
قاليها القايد شوكتو تهرست
من الذل ولعقوبة ما يفلت
وعلى يدك غادي يبان برهان
خرجت الباتول مع لبنات
قاصدات البير هازات قلات
نيتهم يرويو كل لعطشان
في جنب البير غناو حبات
ميزان محسوب في عتبات
عقل الباتول بلمنامة حيران
الباتول شكات وبكات
على خدودها دمعات
وتمنات يرجع السلطان
القايد أدرك لبنات
خافو هربو بلا قلات
الباتول وقفت تحدات
شافها اصبح ولهان
تفتن وتنهد تنهيدات
قاليها يا زينة العزبات
شربيني بيدك انا عطشان
الباتول لكلامو ما سمعت
في جنب البير ، صمدت
خوات القلة وبينت عصيان
الباتول ما خافت مادهشت
راسها مرفوع دوات وتكلمت
انا الباتول بنت الشأن والمرشان
نخاف ربي ونصلي على العدنان
من أجدادي ورثت الأصول
بوي العربي مرضي
راجل قوي دغري
يسبق للخير يجري
ماشي بحالك مذلول
من بوي تعلمت من صغري
نموت على أرضي وعرضي
وبدمي نسقي نخل ارضي
نحب ترابها عرض وطول
ونقول الحق والمعقول
باب دارنا في وجه الضيف
شتا و صيف ديما محلول
وجدي على اولادو وبلادو
سيفو جابدو من غمدو
راحتو وماكلتو فوق عودو
مات مجاهد ؛ طاح مقتول
ياك انت قايد النصارى
بالخيانة جايب الدصارة
ادوي مال فمك محلول
نطق القايد وقف الصيد
فرنسا جات تحمينا
تصلح لبلاد وتهنينا
دارتني عليكم مسؤول
بن عرافة عندها مقبول
جاوباتو الباتول بهمة
ملكنا وسلطانا ممجد
هو بن يوسف محمد
ما شي بنعرفة المعلول
هاذي ثورة ملك وشعب
الشدة بجاه النبي والرب
برجوع الخامس غادة تزول
شعبنا مقاوم تضرب به لمثول
ما يخوفو قرطاس ولا قنبول
حتى يحرر ارضو من الغول
ونزرعوها قمح وشعير و فول
انت قايد من برا
نفسك ما محرة
بحالك بحال الغول
إلا مشاوا النصارى
تولي بحال الهنكارة
ما تصول ولا تجول
جاوبها القايد وقال
في القصبة ترتاحي
ما تحطبي ما تسرحي
ما تسقي ؛ ما تفلحي
ما تعجني خبز ماتوردي
ملي نبغيك تكوني عندي
في لقصبة تولي أم ولدي
طاعتي واجبة تحت يدي
الباتول فرحي وزولي لحقاد
تمشي معاي وخلي الجهاد
وا لباتول فرنسا دكت لوتاد
ما يقلعوها لا جداد ولا حفاد
القصبة غادة تولي دارك
فيها يكمل رجاك ومرادك
فيها تكوني ، لالة الاسياد
الباتول صالت وقالت
القصبة رمز الظلم
مجمع لبلا والهم والغم
خيمة بوي خيمة مليحة
ريحة النوار منها فايحة
يقصدها السايح وسايحة
كلمة بوي ذهب ما طايحة
قصعتنا فيها سبع خضاري
كلشي شعبان كبار ودراري
خيمتنا مجمع العلم والطلبة
فيها يقراو السوار والسلكة
منها يخرج العشور والزكا
واجدادي حجوا طافو بمكة
قاومو العديان في الحركة
بقدرة ربى ؛ وجاه النبي
حضر بو الباتول العربي
قال لبنتو اجي في جنبي
العربي شنق على القايد
شوف القايد أنت حاقرني
تقدم عندي وبارزني
الباتول نفديها بعمري
انت عارف قيمتي وقدري
إلا عينك في الصيادة
ها الغابة احتارم القيادة
إلا عينك في الباتول
نخليك تمشي مدلول
القايد جاوبو ترعد
انا جيت البير غير نشرب
كلامك يخوف ويرعب
أنا كبرت ما فيا ما تضرب
الخماسة والعساسة
ردوا القايد حلاسة
دارو الحد للتعاسة
رجعت لباتول في لوناسة
قامت القيامة
بالظلم والطغيان
داروا الحماية
طريق و غاية
طيحو لعناية
صبحوا عديان
غرقت السفينة
في بحر لغبينة
في كل لقبيلة
بان فلان وفلان
حماوه بمخازنية
دوروه بمشاورية
وعاونوه بخلفان
خاذوا لكسيبة
خواو الزريبة
حق لقايد هيبة
ميات فدان وفدان
القائد خوف الناس
على فامهم دار عساس
ليه باعو بحير وجنان
بعبرة شعير
و خبز فطير
زادوه لمطير
ولاو خماسة ورعيان
الزينة في بنات لقبيلة
تهدى للقايد رهينة
ويلها تبين عصيان
الزينة تمشي للقصبة
تبين للشيباني محبة
تغني ليه : حبة حبة
من عيوط الحصبة
رد راسو من الشبان
القايد ما يخاف ربي
ما يصلي على نبي
ولا يلعن شيطان
خربوشة ذلت القايد
عذبوها كواوها بسفايد
دفنوها تحت الحيطان
الموسم الدنيا مقلوبة
خزانة القايد منصوبة
كبت الخيل المحبوبة
السربات شادين النوبة
لشارة من القايد وقبطان
الشيخات يغنيو عيطات
للقايد يجيبو تعريضات
على راس كل العلفات
ماكلتهم شي الخرفان
إلا خرج القايد للصيادة
بخماسة وحياحة وعدادة
يتمنع لحطب والسقيان
الباتول شافت في منامة
راجل على عود فيه شامة
لابس سلهام غضبان وزعفان
قاليها القايد شوكتو تهرست
من الذل ولعقوبة ما يفلت
وعلى يدك غادي يبان برهان
خرجت الباتول مع لبنات
قاصدات البير هازات قلات
نيتهم يرويو كل لعطشان
في جنب البير غناو حبات
ميزان محسوب في عتبات
عقل الباتول بلمنامة حيران
الباتول شكات وبكات
على خدودها دمعات
وتمنات يرجع السلطان
القايد أدرك لبنات
خافو هربو بلا قلات
الباتول وقفت تحدات
شافها اصبح ولهان
تفتن وتنهد تنهيدات
قاليها يا زينة العزبات
شربيني بيدك انا عطشان
الباتول لكلامو ما سمعت
في جنب البير ، صمدت
خوات القلة وبينت عصيان
الباتول ما خافت مادهشت
راسها مرفوع دوات وتكلمت
انا الباتول بنت الشأن والمرشان
نخاف ربي ونصلي على العدنان
من أجدادي ورثت الأصول
بوي العربي مرضي
راجل قوي دغري
يسبق للخير يجري
ماشي بحالك مذلول
من بوي تعلمت من صغري
نموت على أرضي وعرضي
وبدمي نسقي نخل ارضي
نحب ترابها عرض وطول
ونقول الحق والمعقول
باب دارنا في وجه الضيف
شتا و صيف ديما محلول
وجدي على اولادو وبلادو
سيفو جابدو من غمدو
راحتو وماكلتو فوق عودو
مات مجاهد ؛ طاح مقتول
ياك انت قايد النصارى
بالخيانة جايب الدصارة
ادوي مال فمك محلول
نطق القايد وقف الصيد
فرنسا جات تحمينا
تصلح لبلاد وتهنينا
دارتني عليكم مسؤول
بن عرافة عندها مقبول
جاوباتو الباتول بهمة
ملكنا وسلطانا ممجد
هو بن يوسف محمد
ما شي بنعرفة المعلول
هاذي ثورة ملك وشعب
الشدة بجاه النبي والرب
برجوع الخامس غادة تزول
شعبنا مقاوم تضرب به لمثول
ما يخوفو قرطاس ولا قنبول
حتى يحرر ارضو من الغول
ونزرعوها قمح وشعير و فول
انت قايد من برا
نفسك ما محرة
بحالك بحال الغول
إلا مشاوا النصارى
تولي بحال الهنكارة
ما تصول ولا تجول
جاوبها القايد وقال
في القصبة ترتاحي
ما تحطبي ما تسرحي
ما تسقي ؛ ما تفلحي
ما تعجني خبز ماتوردي
ملي نبغيك تكوني عندي
في لقصبة تولي أم ولدي
طاعتي واجبة تحت يدي
الباتول فرحي وزولي لحقاد
تمشي معاي وخلي الجهاد
وا لباتول فرنسا دكت لوتاد
ما يقلعوها لا جداد ولا حفاد
القصبة غادة تولي دارك
فيها يكمل رجاك ومرادك
فيها تكوني ، لالة الاسياد
الباتول صالت وقالت
القصبة رمز الظلم
مجمع لبلا والهم والغم
خيمة بوي خيمة مليحة
ريحة النوار منها فايحة
يقصدها السايح وسايحة
كلمة بوي ذهب ما طايحة
قصعتنا فيها سبع خضاري
كلشي شعبان كبار ودراري
خيمتنا مجمع العلم والطلبة
فيها يقراو السوار والسلكة
منها يخرج العشور والزكا
واجدادي حجوا طافو بمكة
قاومو العديان في الحركة
بقدرة ربى ؛ وجاه النبي
حضر بو الباتول العربي
قال لبنتو اجي في جنبي
العربي شنق على القايد
شوف القايد أنت حاقرني
تقدم عندي وبارزني
الباتول نفديها بعمري
انت عارف قيمتي وقدري
إلا عينك في الصيادة
ها الغابة احتارم القيادة
إلا عينك في الباتول
نخليك تمشي مدلول
القايد جاوبو ترعد
انا جيت البير غير نشرب
كلامك يخوف ويرعب
أنا كبرت ما فيا ما تضرب
الخماسة والعساسة
ردوا القايد حلاسة
دارو الحد للتعاسة
رجعت لباتول في لوناسة
*********************
بقلم الاستاذ محم المؤذت
حقوق الملكية محفوظة
ليست هناك تعليقات:
إرسال تعليق