كلام الكسدة للروح

كلام الكسدة للروح
=============

بعد حسيت بيك فيا
القيت انقاوة جديدة 
لبستني

اجبرتك كسيتي ذاتي
فهمتي باسي
رجعتي الروح فيا

بعد بغيتك ليا
اسكني هواسي
خربق راسي
شعل عوافي الكية

سرت انخمم فحوالي
اشكون غير خاطري
خلا الروح بايتة مجلية

عدت طاير بلا جناوح
فرحان دايرك اوتد هاد الساس

اعمود الخيمة امتبتة اطياحي

صاينة العولة امعمرة لغدير

امفوجة عل لكليب امكلعة الفكعة

كاسية عرى الكسدة

امبدلة حوالي امشرباني ما(ء)
صافي

فيا محركة الجدبة بعيوط الحصبة
وعتوب ؤ حبة

ساكنة عظامي غرامك فرادي

ازرعتي جدورك ف عروقي

شربتيني من ماك وضرع هواك

ولفتك لابساني صاينة ذاتي
امهمدة اعجاجي

أمربعة ف كاع القبة
لبستيني دربالة من توب الغيوان والجدبة

درتيني امداد كتبتيني حروف منسية

ونظمتيني كلام كناوي غناوه هل الحال

عدت مريوح عامر أهبال

تابع مواج بحرك واخا عليا هاج

النفس لعابة اتوني لضريب الفال

الحال مدبوح شارب هواك قداح

هدا حال المريوح الراكب لهبال.

بقلم : محمد زرواني

شعيب صالح المدكورى