** من وحشي ليك ***
******
جيتك …
من وحشي ليك
تشربني جغمة
ف قاع كاس…
اترد بيها لمجاج
ملي يتخبلو خيوط الراس
جيتك…
من وحشي ليك
ترسمني…
شمس ف عينيك
انضوي ليل گلبك
ملي اتغيب…
شمس جميع الناس
جيتك...
من وحشي ليك
مسافرة مني ليك
باش نلگاني فيك؟!
الساعة الگيت الجريحة
ضربات نبض الگلب
من صهد الريح؟!
اللي صاطت ف ودنيا
حتى رماتني ليك؟!
كدوب…
كدوب اللي يگول
ورد الريح…
م تهزو ريح؟!
********
مجنونة الحرف والركح: 15/9/2017
ليست هناك تعليقات:
إرسال تعليق